मुंबई-पुणे एक्स्प्रेस वेवर एप्रिलपासून टोल वाढ!

मुंबई (प्रतिनिधी) – मुंबई-पुणे एक्स्प्रेस वेवर कारसाठी सध्या २३० रुपये टोल आकारला जात आहे. तो १ एप्रिलपासून २७० रुपये आकारला जाणार आहे. ट्रक आणि अवजड वाहनांसाठी ४९३ रुपये टोल आकारला जात असून, नव्या दरानुसार ५८० रुपये आकारण्यात येणार आहे. आयआरबी इन्फ्रास्नचर डेव्हलपर्सकडून एमआरडीसीला ८, २६२ कोटी रुपये अदा केले जाणार आहेत. उर्वरित रक्कम हप्त्यानं दिली जाणार आहे. त्याबदल्यात पुढील १५ वर्षे टोल वसुली करण्याचे अधिकार आयआरबीला असणार आहेत. वाहनांचे आताचे दर व कंसात नमूद नवे दर पुढील प्रमाणे असतील. कार २३० रुपये (२७० रु.), मिनी बस ३५५ रु. (४२० रु.), ट्रक ४९३ रु. (५८० रु.) बस ६७५ रु. (७९७ रु.), अवजड वाहने ११६८ रु. (१३८० रु.) तर क्रेन १५५५ रु. नवे दर १८३५ रु. असतील.