नवी मुंबई (प्रतिनिधी) - महापालिकेच्या दिवाळेतील शाळेचे महाराष्ट्र भूषण डॉ. नानासाहेब धर्माधिकारी विद्यालय असे नामकरण करण्यात आले. यावेळी महापौर जयवंत सुतार म्हणाले की, महाराष्ट्र शासनाने ज्यांच्या अध्यात्म, शिक्षण, आरोग्य, समाज प्रबोधन, व्यसनमुक्ती, स्वच्छता क्षेत्रातील महनीय कार्याचा गौरव राज्यातील सर्वोच्च अशा 'महाराष्ट्र भूषण' पुरस्काराने केला अशा ज्येष्ठ निरुपणकार डॉ. नानासाहेब धर्माधिकारी यांचे नामकरण दिवाळे गावातील महापालिकेच्या शाळेला केल्याने शिक्षकांसमोर त्यांच्या विचारांचे अनुकरण व विद्यार्थ्यांसमोर त्यांच्या विचारांचा आदर्श कायम राहील अशा शब्दात नवी मुंबईचे महापौर जयवंत सुतार यांनी भावना व्यक्त केल्या. नवी मुंबई महापालिकेच्या वतीने छत्रपती शिवाजी महाराज जयंती दिनाचे औचित्य साधून दिवाळे गावातील शाळा क्र. २ चे 'महाराष्ट्र भूषण डॉ. नानासाहेब धर्माधिकारी विद्यालय' अशा नामकरण समारंभ प्रसंगी ते आपले मनोगत व्यक्त करीत होते. माझे वडील ज्या शाळेचे १२ वर्षे मुख्याध्यापक होते त्या शाळेचे नामकरण करण्याचा योग महापौर म्हणून मला लाभला, अशी आठववण महापौर जयवंत सुतार यांनी यावेळी सांगितली. याप्रसंगी अत्यंत मोठ्या संख्येने उपस्थित असलेले सदस्य कोणत्याही निमंत्रणाविना केवळ नामकरण समारंभाची माहिती समजल्याने उपस्थित असून यातच नानासाहेब नानासाहेबांच्या थोर कार्याची जनमानसावर असलेल्या त्यांच्या प्रभावाची प्रचिती येत असल्याचे सांगत स्थानिक नगरसेविका भारती कोळी यांनी हे नामकरण सूचविण्याचे भाग्य लाभले अशा शब्दात मनोगत व्यक्त केले. यावेळी शाळेसमोरील पटांगणात श्री सदस्यांची शिस्तबध्द बैठकी उपस्थिती लक्षणीय होती.
box
नानासाहेबांनी समाजसुधारणेचे आभाळाएवढे काम केले असल्याचे सांगत त्यांच्या विचारांचा अंगिकार केला तर जग सुंदर होईल, तसेच शाळेत येणाऱ्या मुलांवर नानासाहेबांचे नाव पाहुन आपोआप सेवाभावी उत्तम संस्कार घडतील, असे मत आ.मंदा म्हात्रे यांनी व्यक्त केला.
