कोरोना पार्श्वभूमीवर नागरिकांनी काळजी घेण्याचे महापालिका आयुक्तांचे आवाहन
नवी मुंबई (प्रतिनिधी) - कोरोना विषाणूपासून प्रसार होत असलेल्या साथीच्या आजाराच्या पार्श्वभूमीवर नवी मुंबई महापालिके ने प्राथमिक संदर्भ रुग्णालय वाशी याठिकाणी विलगीकरण कक्ष स्थापन करून ३८ बेड्सची सुविधा उपलब्ध करून ठेवलेली आहे. त्याचप्रमाणे नेरूळ येथील डॉ. डि.वाय.पाटील रुग्णालयातही विलगीकरण कक्ष सुविधा उपलब्ध केलेली आहे. विविध रुग्णालयांना याबाबत तयार विविध रुग्णालयांना याबाबत तयार राहण्यास सूचित केले असून परदेशातून भारतात आलेल्या प्रवाशांना १४ दिवस अलगीकरण कक्षात नागानीय कक्षात ठेवण्याची सुविधा वाशी सेक्टर १४ येथील बह उद्देशीय इमारतीत करण्यात आलेली असून त्याठिकाणी आवश्यक वैद्यकीय सुविधा उपलब्ध करून ठेवण्यात आलेली आहे अशी माहिती महापालिका आयुक्त अण्णासाहेब मिसाळ यांनी दिली. तसेच कोरोनाचा प्रतिबंध करताना नागरिकांनी घाबरून न जाता काळजी घ्यावी, असे आवाहनही त्यांनी केले. जागतिक आरोग्य संघटनेने जगभर प्रसारित झालेला साथीचा रोग म्हणून कोव्हिड-१९ (कोरोना विषाणू) व्दारे पसरलेल्या रोगास घोषित केलेले आहे. कोरोना विषाणूचा वाढता प्रादूर्भाव रोखण्यासाठी राज्यात साथरोग प्रतिबंधात्मक अंमलबजावणी सुरु झाली आहे. नवी मुंबईत उपाययोजना करण्याकरिता महापालिका आयुक्त यांस सक्षम प्राधिकारी म्हणून घोषित करण्यात आले असून या अनुषंगाने महापालिका आयुक्त अण्णासाहेब मिसाळ यांनी काल विविध वृत्तपत्र व वृत्तचित्रवाहिन्या यांच्या प्रतिनिधींशी वार्तालाप करीत महापालिका करीत असलेल्या विविध उपाययोजनांची माहिती दिली. कोरोना विषाणू आजाराची लक्षणे ही मुख्यत्वे श्वसन संस्थेशी निगडीत असून ती सर्वसाधारणपणे इन्फ्लुएन्झा आजारासारखी असतात. माणसाच्या शिंकण्यातून, खोकल्यातून जे थेंब उडताततेथेंब पडलेल्या पृष्ठभागावर स्पर्श झाल्यानंतर हाताला चिकटून हात चेहरा, डोळे, नाक यांना लागल्यास हा आजार पसरतो लक्षात घेऊन नियमितपणे व वारंवार हात धुणे महत्वाचे आहेतसेच शिंकताना, खोकताना नाका-तोंडावर स्वच्छ हातरुमाल धरणे गरजेचे आहे. श्वसन संस्थेचे विकार असणाऱ्या व्यक्तींशी संपर्क ठेवताना संसर्ग न होऊ देण्याची काळजी घेणे गरजेचे असून नागरिकांनी याबाबत खबरदारी घ्यावी असे आवाहन महापालिका आयुक्त अण्णासाहेब मिसाळ यांनी यावेळी नागरिकांना केले. ___कोरोना विषाणू आजाराच्या पार्श्वभूमीवर नवी मुंबई महापालिकेने विभागनिहाय २४ शीघ्र प्रतिसाद पथके कार्यान्वित केली असून त्यामध्ये वैद्यकिय अधिकारी, ऑक्झिलरी नर्स मिडवाईफ तसेच बहुउद्देशीय कर्मचारी यांचा समावेश आहे. शीघ्र प्रतिसाद पथकातील वैद्यकिय अधिकाऱ्यांचे दूरध्वनी क्रमांक नागरिक संपर्कसाठी जाहीर करण्यात आले आहेत. परदेशातून येणाऱ्या प्रवाशांची माहिती संकलीत करून तपासणी करण्यात येत आहे व कोरोना सदृष्य लक्षणे आढळणाऱ्या व्यक्तींना कस्तुरबा रुग्णालय मुंबई येथे संदर्भित करण्यात येत आहे. अशा व्यक्तींच्या सहवासीतांचे अलगीकरण करून त्यांना १४ दिवस नियंत्रणाखाली ठेवण्यात येत असून संबंधीत वैद्यकिय अधिकारी हे त्यांच्या प्रकृतीकडे नियमित लक्ष ठेवून आहेत, अशी माहिती आयुक्त अण्णासाहेब मिसाळ यांनी दिदली. परदेशातून आलेल्या सर्व प्रवाशांनी १४ दिवस आपल्या घरातच थांबावे व काळजी घ्यावी असेही त्यांनी स्पष्ट केले. यावेळी अतिरिक्त आयुक्त सुजाता ढोले यांनी वैद्यकिय आरोग्य अधिकारी डॉ.बाळासाहेब सोनावणे यांच्यासह महापालिकेमार्फत तयार करण्यात आलेल्या अलगीकरण कक्ष व विलगीकरण कक्ष यांची प्रत्यक्ष पाहणी करून तेथील सुविधांचा व औषध साठ्याचा आढावा घेतला. "दिला.
