पांडवकडा सौंदर्याकरण व विकासाकरिता संकल्पनात्मक नकाशा तयार - नाएकनाथ शिंदे

पनवेल (प्रतिनिधी) - नवी मुंबईतील खारघर येथील पांडवकडा धबधब्याच्या परिसराचा सिडकोच्या माध्यमातून विकास करण्याच्या दृष्टिकोनातून संकल्पनात्मक नकाशा तयार केला आहे. त्यानुसार १.५ कि.मी. लांबीचा रस्ता, पाकींग, शौचालय, लॉकर सुविधा, लाकडी मचान आणि तात्पुरत्या स्वरुपाचे उपहारगृह इत्यादी प्राथमिक सोयीसुविधा उपलब्ध करण्याचे प्रस्तावित असल्याची माहिती राज्याचे नगरविकास मंत्री एकनाथ शिंदे यांनी काल विधानसभेत दिली. खारघर येथील पांडवकडा या निसर्गरम्य स्थळाचे सौंदर्गीकरण व विकास करण्याच्या अनुषंगाने आ. प्रशांत ठकार यांनी मुंबईत सुरु असलेल्या विधिमंडळाच्या अर्थसंकल्पीय अधिवेशनात तारांकित प्रश्न दाखल करून पांडवकड्याच्या विकासासाठी शासनाने कोणती कार्यवाही केली अशी विचारणा केली. त्यावर राज्याचे नगरविकास मंत्री एकनाथ शिंदे यांनी ही माहिती दिली. पनवेल तालुक्यातील खारघर येथील पांडवकडा या निसर्गरम्य स्थळाच्या पर्यटनाला चालना मिळण्याच्या दृष्टीने सौंदर्गीकरण व विकास करण्याच्या दृष्टीकोनातून आराखडा तयार करून आवश्यक निधी उपलब्ध करुन देण्याची झाल्यानंतरमागणी सिडकोचे व्यवस्थापकीय संचालक यांच्याकडे निवदेनादवारे केली आहे. पांडवकडा हा पावसाळी धबधब्यासाठी तसेच निसर्गरम्य वनराईसाठी प्रसिद्ध असून दरवर्षी पावसाळ्यात हजारो पर्यटक येथे भेट देत असले तरी सुरक्षिततेच्या दृष्टीने पर्यटकांसाठी आवश्यक सोयी-सुविधा उपलब्ध नसल्याने अनेक गैरसोयींना सामोरे जावे लागत आहे. या स्थळाचे सुशोभिकरण व विकास केल्यास स्थानिक भुमीपुत्रांना उपजिवीकेचे साधन उपलब्ध होणार असल्याने याकरिता निधी उपलब्ध होण्याच्यादृष्टीने शासनाने कोणती कार्यवाही केली, असा तारांकित प्रश्न आ.प्रशांत ठाकूर यांनी दाखल करून त्या संदर्भात विचारणा केली. नगरविकास मंत्री एकनाथ शिंदे पुढे म्हणाले की, नवी मुंबईतील खारघर येथील पांडवकडा धबधब्याच्या परिसरात पक्क्या स्वरुपाचा पोहच रस्ता नसल्याने धबधब्याजवळ जाण्याकरीता सुरक्षित पायवाटरेलिंग, उपहारगृह, प्रसाधनगृह, घनकचरा व्यवस्थापन इत्यादी सोयी-सुविधा नसल्याने पर्यटकांची गैरसोय होत आहे. मात्र परिसराचा सिडकोच्या माध्यमातून विकास करण्याच्या दृष्टिकोनातून संकल्पनात्मक नकाशा तयार केला आहे.