नवी मुंबईतील चार शिवसैनिकांना अटक
नवी मुंबई (प्रतिनिधी)- जुलै २०१७ मध्ये पाकिस्तानी दहशतवाद्यांनी अमरनाथ यात्रेकरुंच्या बसवरील हल्ला घटनेच्या निषेधार्थ वाशीत केलेल्या आंदोलनात पाकिस्तानचा झेंडा जाळला होता. या प्रकरणी चौघा शिवसैनिकांना अटक करण्यात आली आहे. शिवसेना शहरप्रमुख विजय माने यांच्यासह उपशहर प्रमुख गणपत शेलार, संतोष मोरे, विभागप्रमुख समीर बागवान यांना काल सकाळी ९ वाजता राहत्या घरातून पोलिसांनी ताब्यात घेतले. त्यामुळे तीन वर्ष जुन्या प्रकरणात वाशी पोलिसांनी ही कारवाई केली असल्याचे स्पष्ट होत आहे. जुलै २०१७ मध्ये पाकिस्तानी दहशतवाद्यांनी अमरनाथ यात्रेकरूंच्या बसवर हल्ला केला होता. या घटनेचे देशभरात तीव्र पडसाद उमटले होते. या भ्याडहल्याच्या निषेधार्थनवी मुंबईतील शिवसेना पदाधिका-यांनी पाकिस्तानच्या झेंड्याची होळी केली होती. ११ जुलै २०१७ रोजी पाकिस्तानचा निषेध करत त्यांच्या झेंड्याची वाशीतील शिवाजी चौकात होळी करण्यात आली होती. वाशी पोलिस ठाण्यात त्यावेळी शिवसेना पदाधिकाऱ्यांवर गुन्हा दाखल करण्यात आला होता. त्यानंतर तब्बल पाच महिन्यानंतर या सर्व शिवसेना पदाधिकाऱ्यांना अटकही झाली होती. मात्र न्यायालयात हजर केल्यानंतर त्यांची जामिनावर मुक्तता झाली होती. मात्र आता पुन्हा शिवसैनिकांना बेड्या ठोकण्यात आल्या आहेत.
