नवी मुंबई (प्रतिनिधी)- नवी मुंबई महापालिकेने शहरातील बेकायदा बांधकामांविरोधात धडक कारवाईची मोहिम तीव्र केली असून काल ऐरोलीतील जी प्लस वन इमारतीच्या बेकायदा बांधकामावर पालिकेतर्फे कारवाईचा हातोडा मारण्यात आला.
नवी मुंबई महापालिका कार्यक्षेत्रातील जी विभाग ऐरोली अंतर्गत घर क्र. एफ-104, इ-206 व ए-139 से- 04, ऐरोली येथे जी + 1 इमारतीचे बांधकाम नवी मुंबई महापालिकेची कोणतीही परवानगी न घेता अनधिकृतपणे सुरु केले होते. सदर अनधिकृत बांधकामास ऐरोली विभागामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती. महापालिकेच्या नोटीसीनंतर संबधितांनी केलेले सदरचे अनधिकृत बांधकाम स्वत:हून हटविणे आवश्यक होते. परंतु त्यांनंतर त्याने सदरठिकाणी अनधिकृत बांधकाम करण्याचे सत्र सुरुच ठेवले होते. त्यामुळे काल अखेरीस ऐरोली विभागामार्फत सदर अनधिकृत बांधकामावर तोडक मोहिमेचे आयोजन करुन करून ते हटविण्यात आले. यावेळी कारवाईप्रसंगी ऐरोली विभागातील अधिकारी व कर्मचार्यासह अतिक्रमण विभागाकडील पोलिस पथक तैनात होते.
