नवी मुंबई (प्रतिनिधी) - नागरिकांनो लस घ्या अन कोरोनाला पळवा असे आवाहन भारतीय क्रिकेट संघाचा कर्णधार तथा प्रसिध्द क्रिकेटपटू रोहित शर्मा यांनी केले आहे. रोहित शर्मा हा काल अलिबागमध्ये खाजगी कामानिमित्त आला होता. याप्रसंगी रोहित शर्मा याने जिल्हा प्रशासनाच्यावतीने त्यांनी नागरिकांना लसीकरणासाठी पुढे येण्याचे आवाहन केले. यावेळी तहसिलदार मीनल दळवी व मंडळ अधिकारी पी.बी. मोकल उपस्थित होते.
कोरोना विषाणु संसर्गामुळे संपूर्ण मानवजाती त्रासलेली आहे. अश्या परिस्थितीमध्ये जीवन जगत असतांना कोरोनापासून संरक्षण करण्यासाठी नागरिकांनी लसीकरण हे एक प्रभावी अस्त्र समजले जाते. त्यादृष्टीने सध्या सर्वत्र प्रशासनातर्फे लसीकरणावर जोर दिला जात आहे. मात्र ग्रामीण भागात अद्यापही या लसी बाबत संभ्रामावस्था निर्माण झाली आहे. ग्रामिण रहिवाश्यांमधील ही संभ्रावस्था दुर करण्यासाठी प्रयत्न करणे गरजे आहे. त्यासाठी रायगड जिल्हा प्रशासन पातळीवर जोरदार प्रयत्न सुरु आहेत. नागरिकांना लसीकरणाचे महत्व समजून त्यांच्यातील लसीकरणाबाबतचा संभ्रम दूर व्हावा यासाठी रायगड जिल्हा अधिकारी महेंद्र कल्याणकर यांच्या मार्गदर्शनाखाली जिल्हा प्रशासनातर्फे लसीकरणाबाबत नागरिकांमध्ये जनजागृती व्हावी यासाठी विविध प्रकारचे प्रयत्न केले जात आहेत. यात प्रामुख्याने व्हिडीओ चित्रफित यंत्रणेचा वापर करून विविध सेलिब्रेटीव्दारे नागरिकांना लसीकरणाबाबतचे आवाहन केले जात आहे. त्याचाच एक भाग म्हणून क्रिकेटपटू रोहित शर्मा याने रायगड जिल्हा प्रशासन कार्यालयाला भेट दिली असता, जिल्हा प्रशासनाच्यावतीने त्यांनी नागरिकांना लसीकरणासाठी पुढे येण्याचे आवाहन केले आहे. रोहित शर्मा याची ही कोरोना लसीकरण करण्याबाबत आवाहन करणारी व्हिडीओ चित्रफित सध्या मोठ्या प्रमाणात झळकत आहे.
