नेरुळ (प्रतिनिधी)- नवी मुंबईतील बेकायदा बांधकामांविरोधात महापालिकेने धडक कारवाईची मोहिम हाती घेतली असून काल नेरुळ विभाग कार्यक्षेत्रातील नेरुळ (प),से-8 मधील शॉप नं-06, प्लॉट नं- 17, याठिकाणच्या बेकायदा बांधकामावर कारवाई करण्यात आली. सदरठिकाणी संंबंधिताने महानगरपालिकेची कोणतीही पुर्व परवानगी न घेता अनधिकृतपणे बांधकाम सुरु केले होते. सदर अनधिकृत बांधकामास बी विभाग कार्यालय, नेरुळ यांच्यामार्फत महाराष्ट्र नियोजन व नगररचना अधिनियम 1966 मधील कलम 54 अन्वये नोटीसही बजावण्यात आलेली होती. मात्र नोटीसीनंतरही सदरठिकाणी बेकायदा बांधकाम करण्याचे काम सुरुच होते. त्यामुळे काल अखेरीस सदर अनधिकृत बांधकामावर नेरुळ विभाग कार्यालयामार्फत तोडक मोहिमेचे आयोजन करुन ते हटविण्यात आले. या धडक मोहिमेसाठी नेरुळ विभागाकडील अधिकारी व कर्मचारी यांच्यासह नवी मुंबई महानगरपालिका 10 मजुर, 01 पीकअप व्हॅन, 05 हातोडे, 01 ब्रेकर, तसेच अतिक्रमण विभागाकडील पोलीस पथक असा लवाजमा तैनात ठेवण्यात आला होता.
