सुवर्ण पदकांसह कांस्य पदकांची कमाई
पनवेल (प्रतिनिधी) - खांदा कॉलनी से-14 या परिसरात राहणार्‍या अरविंद मोकल नावाच्या रिक्षाचालकाच्या कन्येने पुणे येथे आयोजित करण्यात आलेल्या राष्ट्रीय किक-बॉक्सिंग स्पर्धेत उत्तुंग कामगिरी करत सुवर्ण पदकसह इतर पदके प्राप्त केली आहेत. कुमारी संयोगिता अरविंद मोकल असे या कन्येचे नाव आहे. संयोगिता हिने पॉईंट फाईट या प्रकारात त 1 सुवर्ण पदक व किक-लाईट प्रकारात 1 कांस्य पदक तसेच पॉईंट फाईट या प्रकारात 1 सुवर्ण व लाईट-कॉन्टॅक प्रकारात 1 सुवर्ण पदक अशा विविध पदकांची कमाई केली आहे. सदर मुलगी खांदा कॉलनी मध्ये प्रशिक्षक चिंतामणी मोकल यांच्या कडे प्रशिक्षण घेत आहेत.
वाको इंडिया राष्ट्रीय किकबॉक्सिंग चॅम्पियनशिप 2021 (केडेड, ज्युनियर आणि सीनियर) पुणे महाराष्ट्र छत्रपती शिवाजी महाराज क्रिडा संकुल बालेवाडी पुणे येथे आयोजित करण्यात आली होती. या स्पर्धेत संपूर्ण देश भरातून 1200 स्पर्धकांनी सहभाग घेतला होता, या मध्ये रायगड संघाने एकूण 25 सुवर्ण पदक, 12 रौप्य पदक, 13 कांस्य पदकांची कमाई केली. या कामगिरीबद्दल संयोगिता हिचे, वाको महाराष्ट्र असोसिएशनचे उपाध्यक्ष व रायगड किकबॉक्सिंगचे अध्यक्ष डॉ. मंदार पनवेलकर, राष्ट्रीय स्पर्धचे आयोजक संतोष म्हात्रे, चिंतामणी मोकल, निलेश भोसले, प्रशांत गांगुर्डे, युनायटेड शोतोकान कराटे असोसिएशन इंडियाचे सर्व प्रशिक्षक व पालकांनी व महाराष्ट्र रिक्षा पंचायत शाखा खांदा कॉलनी आदींकडून शुभेच्छांचा वर्षाव होत आहे.
