नवी मुंबईत मंगळवारी पाण्याचे शटडाउन!

 पाणी जपून वापरण्याचे पालिकेचे आवाहन

नवी मुंबई (प्रतिनिधी) - नवी मुंबई महापालिकेचे भोकरपाडा जलशुद्धीकरण केंद्र, मोरबे धरण ते दिघा मुख्य जलवाहिनी व सेक्टर 28 बेलापूर पंपहाऊस येथील देखभाल दुरुस्तीची व आवश्यक कामे मंगळवार दि.11 जानेवारी 2022 रोजी महापालिकेतर्फे हाती घेण्यात येणार आहेत. त्यामुळे नवी मुंबई महापालिका क्षेत्रास जलशुद्धीकरण केंद्रातुन होणारा पाणी पुरवठाही बंद राहणार असल्याने नागरिकांनी पाणी जपून वापरण्याचे आवाहन नवी मुंबई महापालिकेने केले आहे.

नवी मुंबई महापालिकेचे भोकरपाडा जलशुद्धीकरण केंद्र, मोरबे धरण ते दिघा मुख्य जलवाहिनी व सेक्टर 28 बेलापूर पंपहाऊस येथील देखभाल दुरुस्तीची व आवश्यक कामे मंगळवार दि.11 जानेवारी रोजी  हाती घेण्यात येणार आहेत. त्यामुळे नवी मुंबई महानगरपालिका क्षेत्रास जलशुद्धीकरण केंद्रातुन होणारा पाणी पुरवठाही बंद राहणार आहे. त्याचप्रमाणे नवी मुंबई महानगरपालिका क्षेत्रातील बेलापूर, नेरुळ, तुर्भे, वाशी, कोपरखैरणे, घणसोली, ऐरोली या विभागात मंगळवार दि. 11 जानेवारी 2022 रोजी पाणी पुरवठा संध्याकाळी होणार नाही. तसेच या कालावधीत महापालिका क्षेत्रातील जलवाहिनीवरील थेट नळ जोडण्यांचा व सिडको क्षेत्रातील कामोठे व खारघर नोडमधील नवी मुंबई महानगरपालिकेकडून होणारा पाणी पुरवठा देखील बंद राहील. बुधवार दि. 12 जानेवारी 2022 रोजी कमी दाबाने पाणी पुरवठा होईल, याची कृपया नोंद घ्यावी.या अनुषंगाने नवी मुंबई महानगरपालिका क्षेत्रातील नागरिकांनी या कालावधीत पाण्याचा जपून व काटकसरीने वापर करावा आणि नवी मुंबई महानगरपालिकेस सहकार्य करावे असे आवाहन करण्यात येत आहे.