नवी मुंबई (प्रतिनिधी)- नवी मुंबई महापालिकेतर्फे शहरातील बेकायदा बांधकामांविरोधात कारवाईची मोहिम तीव्र केली असून काल नेरुळ विभागातील विविध ठिकाणच्या बेकायदा बांधकामांवर हातोडा मारण्यात आला.
या कारवाईत प्रामुख्याने नेरुळ से-8 मधील श्रमसाफल्य अपार्टमेंट ओनर्स असोसिएशन, ई-1, 34, सी-10, से-8, नेरुळ व ई-1, 34, सी-02, से-8, नेरुळ आणि ई-1, 34, सी-09, येथील बेकायदा बांधकामांवर कारवाई करण्यात आली. नवी मुंबई महानगरपालिकेची कोणतीही पुर्व परवानगी न घेता सदरठिकाणी संबंधितांनी अनधिकृतपणे बांधकाम सुरु केले होते. या अनधिकृत बांधकामांस बी विभाग कार्यालय, नेरुळ यांच्यामार्फत महाराष्ट्र नियोजन व नगररचना अधिनियम 1966 मधील कलम 54 अन्वये नोटीस बजावण्यात आलेली होती. परंतु सदर ठिकाणी अनधिकृत बांधकाम सुरु ठेवले होते. त्यानुसार काल अखेरीस सदरच्या या अनधिकृत बांधकामावर नेरुळ विभाग कार्यालयामार्फत तोडक मोहिमेचे आयोजन करुन ते निष्कासित करण्यात आले.
या कारवाईसह प्लॉट नं- 623, प्लॉट नं- 625 च्या शेजारी, शिरवणे येथे महानगरपालिकेची कोणतीही पुर्व परवानगी न घेता सुरू असलेल्या अनधिकृत बांधकामांवर कारवाई करण्यात आली. त्याचप्रमाणे घर क्र. 739, नेरुळ गांव, मराठी शाळेजवळ, सेक्टर-20, नेरुळ येथे महानगरपालिकेची कोणतीही पुर्व परवानगी न घेता अनधिकृतपणे बांधकाम सुरु केले होते. या अनधिकृत बांधकामास बी विभाग कार्यालय, नेरुळ यांचेमार्फत महाराष्ट्र नियोजन व नगररचना अधिनियम 1966 मधील कलम 54 अन्वये नोटीस बजावण्यात आलेली होती. परंतु सदर ठिकाणी अनधिकृत बांधकाम सुरु ठेवले होते.त्यामुळे काल अखेरीस सदर अनधिकृत बांधकामावर नेरुळ विभाग कार्यालयामार्फत तोडक मोहिमेचे आयोजन करुन ते हटविणयात आले. या धडक मोहिमेसाठी नेरुळ विभागाकडील अधिकारी व कर्मचारी, नवी मुंबई महानगरपालिका 10 मजुर, 02 पीकअप व्हॅन, 05 हातोडे, 01 ब्रेकर, 01 गॅसकटर तसेच अतिक्रमण विभागाकडील पोलीस पथक असा लवाजमा तैनात ठेवण्यात आला होता.
