पनवेल (प्रतिनिधी) - अमरावतीचे महापालिका आयुक्त प्रवीण आष्टीकर यांच्यावर नुकत्याच झालेल्या शाईफेक हल्ल्याच्या निषेधार्थ काल पनवेल महापालिका अधिकारी व कर्मचार्यांनी काळी फित लावून लेखणी बंद आंदोलन केले. सर्व अधिकारी व कर्मचार्यांच्यावतीने उपायुक्त विठ्ठल डाके यांनी अतिरीक्त आयुक्त तृप्ती सांडभोर यांना यावेळी निवेदन दिले.
कर्तव्य बजावत असताना अधिकार्यांवर गुन्हेगारी प्रवृत्तीचे लोक हल्ले करतात, अशा हल्ल्याने केवळ हल्ला झालेला अधिकारीच नव्हे तर संपूर्ण प्रशासनाचे मनोधैर्य खच्ची होते. त्यामुळे अशा प्रकारच्या हल्ल्याचा संघटित निषेध करणे आणि हल्लेखोरांवर कठोर कारवाई करणे हाच यावर योग्य उपाय असल्याने, काल महानगरपालिका अधिकारी व कर्मचार्यांनी काळ्या फिती लावून लेखणी बंद आंदोलन करत या घटनेचा निषेध नोंदविला.
