पनवेल (प्रतिनिधी) - पनवेल मधील इस्त्राइली दफनभूमीचा विकास करावा तसेच त्या अनुषंगाने असणार्या विविध विषयांवरती चर्चा करण्यासाठी सोमवारी इस्त्रायलचे मुंबईतील वाणिज्यदूत कोबी शोशानी आणि इस्त्राईल वाणिज्यदूतातील विशेष प्रकल्प अधिकारी अनय जोगळेकर यांनी पनवेल महापालिकेचे आयुक्त गणेश देशमुख यांची भेट घेतली. यावेळी उपरोक्त विषयासंदर्भात इस्त्राईलच्या राजदूतांनी आयुक्तांशी सविस्तर अशी चर्चाही केली.
पनवेलमध्ये अनेक वर्षापासून इस्त्रायली लोकांची वसाहत असून त्यांची दफनभूमी तसेच इतर धार्मिक स्थळे आहेत. त्यांचा विकास महापालिकेने करावा या हेतूने इस्त्रायलचे राजदूत कोबी शोशनी यांनी आयुक्त गणेश देशमुख यांच्याशी चर्चा केली. यावेळी पनवेल महानगरपालिका कार्यक्षेत्रातील प्रस्तावित विविध उपक्रमांची माहिती आयुक्त गणेश देशमुख यांनी शोशांनी यांना दिली.
